بيان جبهة الإنقاذ، تصرفاتهم السياسية، وتنظيم المسيرات كل كام يوم، قد يشعرك بانفصام فى شخصيتها ، مش كدة؟
الحقيقة هى إننا لازم نفهم حاجة.
الجبهة دى بتاعة صناديق، برلمان، مؤسسات، حياة سياسية يعنى، مش بتاعة شارع ومظاهرات وكفاح ونضال والكلام ده.
على عكس اليساريين، شطار قوى فى المظاهرات بس مالهمش فى الانتخابات.
الغضب دلوقتى غضب شارع، يعنى مش شغل الجبهة.
الجبهة لو بطلت تنظم مسيرات ألف مين هانظم غيرها، لأن الموضوع مش محتاج شحن شعبى لأنه مشحون خلقة، أمال اللى ف مدن القناة ده يبقى إيه؟
الفكرة كلها فى حد بيقول "أنا رايح"ـ تقوم الناس كلها قايلة له "يلا بينا" وتروح وراه.
ولو كانت الجبهة راحت الحوار الوطنى كانت هاتتهزق وتتشتم، وبرضه ماكانتش المظاهرات هاتقف.
يعنى من الآخر، ماتستنوش من الجبهة إنها تاخد موقف بحدة موقف 6 إبريل مثلًا.
