والواحد مننا إيه غير mix من شخصيات الناس اللى حواليه، مضافًا إليه الـ touch بتاعته :)
دى حقيقة، البنى آدم مننا بيتأثر بالظروف المحيطة، بيئة وأشخاصًا - وبالتالى - وأخلاقًا.
"المرء على دين خليله" ، و"الصاحب ساحب"، وانت لما بتقعد مع حد كتير بـ"يطبع" عليك.
على ضهور الميكروباصت والتكاتك كثيرًا ما تجد العبارة دى "الرجولة مواقف، والندالة دروس".
بص لها بقى من الناحية التانية.
انت منتظر منك برضه إنك تبقى قد المسئولية دى.
النبي صلى الله عليه وسلم قال: "انصر أخاك ظالماً أو مظلوماً"، قيل: يا رسول الله، أنصره مظلوماً، فكيف أنصره ظالماً؟! قال: "تحجزه أو تمنعه عن ظلمه فإن ذلك نصره"
اقف مع صاحبك فى وقت الشدة، اثبت انك عايز مصلحته، ماتسيبوش إلا لما تنجحوا سوا، وتوصلوا للهدف اللى بتحلموا بيه.
طالما لقيت فيه بذرة الخير، ماتسيبوش إلا لما البذرة تطرح.
خده وامشوا ف سكة الخير.
طلع أحلى ما فيك وفيه.
اتجدعن :)
ليست هناك تعليقات:
إرسال تعليق