----(1)---
أنا قمر الليل
والليل ده محاق
أنا عربية من غير سواق
راح تعرف نظرتى للدنيا
لما تركز فى عيون مشتاق
المهنة: قبطان أعمى وحيد
لكن بيشوف
علشان بيسوق على صوت قلبه
وطير النورس..
عنوانى المتحف
ساكن ورا تمثال حورس
أنا قلبى كتاب مفتوح
من كتر ما بـ أتكلم عن نفسى كتير
وطموحى يجاوز أى طموح
وبيتعبنى طول التفكير..
استعجالى على قد ما كان سر نجاحى
بيوقعنى ساعات بالصدفة فـ أضيق زاوية
وبصدفة يطلعنى كفاحى
وألقانى سعيد
بعد ما كان بوزى اتلوى لَوْيَة..!
---(2)---
ودلوقتى
وبعد سنين من الخبرة
من القدرة
من العزلة
لأول مرة متدارى
وكمشان فى الجاكتة الصوف
وليه أبرد..؟
مانيش دارى
مانيش لاقى سبب معروف
حاولت إنى أجاوب صح
على ألفين سؤال وسؤال
فـ بالى تدور وفجأة..
بح..!
.سؤالى بينفرط لحروف.
أنا أعمى، لكنى بـأشوف
عمى العين غير طشاش القلب
أخاف لو ما اترماش الهلب
تبحّر مركبى بالخوف
أنا قد إنى أكون أعمى
لكن مش حمل أكون مخطوف..
سنين العمر بتعدى..
ولا تهدّى
ولا يهمش ..
يهم إنى فـ وقت الموت
ما أحسش إنى ماعشتش
عشان طول عمرى
عندى ظروف..
أنا قمر الليل
والليل ده محاق
أنا عربية من غير سواق
راح تعرف نظرتى للدنيا
لما تركز فى عيون مشتاق
المهنة: قبطان أعمى وحيد
لكن بيشوف
علشان بيسوق على صوت قلبه
وطير النورس..
عنوانى المتحف
ساكن ورا تمثال حورس
أنا قلبى كتاب مفتوح
من كتر ما بـ أتكلم عن نفسى كتير
وطموحى يجاوز أى طموح
وبيتعبنى طول التفكير..
استعجالى على قد ما كان سر نجاحى
بيوقعنى ساعات بالصدفة فـ أضيق زاوية
وبصدفة يطلعنى كفاحى
وألقانى سعيد
بعد ما كان بوزى اتلوى لَوْيَة..!
---(2)---
ودلوقتى
وبعد سنين من الخبرة
من القدرة
من العزلة
لأول مرة متدارى
وكمشان فى الجاكتة الصوف
وليه أبرد..؟
مانيش دارى
مانيش لاقى سبب معروف
حاولت إنى أجاوب صح
على ألفين سؤال وسؤال
فـ بالى تدور وفجأة..
بح..!
.سؤالى بينفرط لحروف.
أنا أعمى، لكنى بـأشوف
عمى العين غير طشاش القلب
أخاف لو ما اترماش الهلب
تبحّر مركبى بالخوف
أنا قد إنى أكون أعمى
لكن مش حمل أكون مخطوف..
سنين العمر بتعدى..
ولا تهدّى
ولا يهمش ..
يهم إنى فـ وقت الموت
ما أحسش إنى ماعشتش
عشان طول عمرى
عندى ظروف..
:)
ردحذف:) :)
ردحذف