كل ما بتتعرف على ناس أكتر بتشوف اختلاف أكبر فى وجهات النظر واتجاهات الفكر، ومستوى التفكير نفسه، ده بديهى، بس المميز فى الاختلاف ده إنه بيعلمك.
فيه اللى بيعلى فى الفكر والفلسفة لدرجة إن ماحدش بيفهمه إلا اللى بيفكر زيه، وفيه السطحى تمامًا، اللى بيشترك بينهم هو إن فيه رغبة بتحركهم، بين رغبة جسدية، ورغبة فى الظهور وإن الناس تقول عليك كلام حلو، وبين رغبة فى الارتقاء بالنفس عن اللى بيشوفوه دون المستوى.
-----------------
أصلًا كلمة الإرادة الحرة دى مشكوك فى وجودها، الإرادة فى الواقع رد فعل، استجابة منك لشعور مسيطر عليك، ممكن نقول إن جزء منه هو تعريف "الحاجة" اللى فى علم الاقتصاد، بتحس إن فيه حاجة ناقصاك فبتعمل حاجة عشان الشعور ده يختفى، أو بتحس إنك عايز تحس بالأثر الناتج عن الحاجة دى فبتتكون الإرادة إنك تعملها.
جعان بقى عندك إرادة إنك تاكل. عاجبك الإحساس بالنجاح والوصول للهدف وعايز تحس بيه فبتعوز تشتغل.
مافيش حاجة اسمها تعوز حاجة فجأة، حتى الشعور المفاجئ ده بيبقى سببه نزعة أو رغبة هى اللى خطرت على بالك.
الإرادة رد فعل، مش فعل.
---------------------
طَب، هو إيه سبب شعورك بالدونية؟ إنك أقل من ناس تانية؟
هل ده لأنك شايفهم أنجح منك؟
أيًا كان مجال نجاحهم، فالإنسان -فى الأغلب- كائن اجتماعى، ويحب إنه يفضل متحاوط بالناس ويحظى باهتمامهم.
بس من ناحية تانية ممكن الشعور ده يتفسر ببعد مختلف، إنه شعور بالنقص.
نقص فى ثقتك بنفسك، فتقوم سيادتك تدور على اللى يعوضلك النقص ده من عند غيرك.
وعلى النقيض الآخر، بتحس إنك منصرف عن التعامل مع ناس تانية لأنك شايفهم سطحيين، اهتماماتهم بدائية وسطحية، يا بتفكرك بيك وانت صغير، أو بتفكرك بشخص انت كارهه ومش محترمه..إلخ
هل ده لأنك شايف نفسك أحسن منه، ولا عايز تهرب من الشعور السلبى اللى بتسببهولك ما يمكن اعتباره تفاصيل حياة الشخص ده؟ ولا مجرد احساس فطرى برفض كل ما هو قبيح؟
ممكن تبسط الأمر بإنه "كن جميلًا ترى الوجود جميلًا"، وإنه "وبضدها تتمايز الأشياء"، وإنك عمرك ما كنت هـ تعرف الناس الفاهمة إلا لو خدت بالك من الناس الحافظة، بس برضه ده مايمنعش إنك تبعد عن اللى هـ يؤذى دماغك!
الفاشية أحيانًا مفيدة :)
------------------
عارف؟ اتساع دايرة انتباهك لدرجة إنك تحاول تتخيل اللى بيحصل من وراك وتفكر فى تفاصيل كل حاجة بتدور، كلام الناس اللى تعرفها مع بعض، لو ركزت شوية فى الموضوع ده هـ تتجنن.
الغيب فى الحاجات دى رحمة :)
فيه اللى بيعلى فى الفكر والفلسفة لدرجة إن ماحدش بيفهمه إلا اللى بيفكر زيه، وفيه السطحى تمامًا، اللى بيشترك بينهم هو إن فيه رغبة بتحركهم، بين رغبة جسدية، ورغبة فى الظهور وإن الناس تقول عليك كلام حلو، وبين رغبة فى الارتقاء بالنفس عن اللى بيشوفوه دون المستوى.
-----------------
أصلًا كلمة الإرادة الحرة دى مشكوك فى وجودها، الإرادة فى الواقع رد فعل، استجابة منك لشعور مسيطر عليك، ممكن نقول إن جزء منه هو تعريف "الحاجة" اللى فى علم الاقتصاد، بتحس إن فيه حاجة ناقصاك فبتعمل حاجة عشان الشعور ده يختفى، أو بتحس إنك عايز تحس بالأثر الناتج عن الحاجة دى فبتتكون الإرادة إنك تعملها.
جعان بقى عندك إرادة إنك تاكل. عاجبك الإحساس بالنجاح والوصول للهدف وعايز تحس بيه فبتعوز تشتغل.
مافيش حاجة اسمها تعوز حاجة فجأة، حتى الشعور المفاجئ ده بيبقى سببه نزعة أو رغبة هى اللى خطرت على بالك.
الإرادة رد فعل، مش فعل.
---------------------
طَب، هو إيه سبب شعورك بالدونية؟ إنك أقل من ناس تانية؟
هل ده لأنك شايفهم أنجح منك؟
أيًا كان مجال نجاحهم، فالإنسان -فى الأغلب- كائن اجتماعى، ويحب إنه يفضل متحاوط بالناس ويحظى باهتمامهم.
بس من ناحية تانية ممكن الشعور ده يتفسر ببعد مختلف، إنه شعور بالنقص.
نقص فى ثقتك بنفسك، فتقوم سيادتك تدور على اللى يعوضلك النقص ده من عند غيرك.
وعلى النقيض الآخر، بتحس إنك منصرف عن التعامل مع ناس تانية لأنك شايفهم سطحيين، اهتماماتهم بدائية وسطحية، يا بتفكرك بيك وانت صغير، أو بتفكرك بشخص انت كارهه ومش محترمه..إلخ
هل ده لأنك شايف نفسك أحسن منه، ولا عايز تهرب من الشعور السلبى اللى بتسببهولك ما يمكن اعتباره تفاصيل حياة الشخص ده؟ ولا مجرد احساس فطرى برفض كل ما هو قبيح؟
ممكن تبسط الأمر بإنه "كن جميلًا ترى الوجود جميلًا"، وإنه "وبضدها تتمايز الأشياء"، وإنك عمرك ما كنت هـ تعرف الناس الفاهمة إلا لو خدت بالك من الناس الحافظة، بس برضه ده مايمنعش إنك تبعد عن اللى هـ يؤذى دماغك!
الفاشية أحيانًا مفيدة :)
------------------
عارف؟ اتساع دايرة انتباهك لدرجة إنك تحاول تتخيل اللى بيحصل من وراك وتفكر فى تفاصيل كل حاجة بتدور، كلام الناس اللى تعرفها مع بعض، لو ركزت شوية فى الموضوع ده هـ تتجنن.
الغيب فى الحاجات دى رحمة :)
